Het Gedroomde Noorden

Wa is hy? Hy is in iisbear, in ursus maritimus, of 'nanuq' sa't de minsken yn it noarden him neame. Hy ken sels gjin nammen en gjin minsken. Wat hy wol wit, is dat hy de grutste is fan alle bisten. Hy is net benaud. Syn mem hat him leard hoe't hy syn iten by elkoar skarrelje moat, en dat giet goed. Mar op in dei komt de iisbear nije bisten tsjin. Bisten op twa fuotten. Lústerje nei diel 3 fan de podcast 'Het Gedroomde Noorden'. 

It is 1898. De Eskimojonge Minik is acht jier en hy gûlt. Syn heit Qisuk is stoarn. De begraffenis fynt plak yn de tún fan it Amearikaansk Natuerhistoarysk Museum yn New York. Wat Minik net wit, is dat syn heit net yn it grêf leit, mar dat syn skelet tentoansteld wurde sil yn it museum. Dit dramatyske ferhaal oer in Eskimojonge yn Amearika is skreaun troch Adwin de Kluyver. Lústerje nei diel 2 fan de podcast 'Het Gedroomde Noorden'.

It langstme nei it Noarden bringt skriuwer Adwin de Kluyver nei it noardelikste puntsje fan de Shetland eilannen. Dêr giet it hast mis, in pear meter fierder en hy hie hy dit ferhaal net neifertelle kinnen. De Kluyver giet ek nei it festival 'Up-Helly-Aa' en docht op hilaryske wize ferslach fan it fjoerfeest. De bewenners fan de Shetlands fiere dat se 'Vikings' binne. Mei it grutste fjoer fan it noarden ferjeie se de winter.