Bakonmu A Yau

Kungiyoyin kwadago a Najeriya sun sanar da dakatar da yajin aikin da suka fara ranar litinin saboda kasa kulla yarjejeniyar albashi mafi karanci da ya dace a biya ma'aikata. A yanzu dai gwamnatin ta ce a shirye take ta biya albashin da ya zarce naira dubu 60, yayin da ake ci gaba da tattaunawa a tsakanin bangarorin biyu. Ko yaya 'yan adawa ke kallon wannan dambarwa, tambayar kenan da Bashir Ibrahim Idris ya yiwa Injiniya Yabagi Sani, tsohon 'dan takaran shugaban kasar Najeriya. Ku latsa alamar sauti don jin yadda tattaunawarsu ta gudana.......

A karon farko a cikin shekaru 30 da suka gabata, Jam'iyyar ANC mai mulkin kasar Afirka ta kudu ta gaza samun galabar da za ta kafa gwamnati ba tare da kawance ba a zaben da aka yi a kasar, abinda ke nuna yadda jama'a suka fara juya mata baya. Ganin irin tagomashin da jam'iyyar ta samu karkashin shugabanninta na farko irin su Nelson Mandela da Thabo Mbeki, ko me ya sa ta gamu da wannan koma baya?  Bashir Ibrahim Idris ya tattauna da Farfesa Usman Muhammad na Cibiyar horar da 'yan majalisu dake Abuja.Ku latsa alamar sauti don jin cikakkiyar zantawar ta su.......

Mahukunta a Nijar sun ce ba za su bari motocin da ke ɗauke da lambar Jamhuriyar Benin damar tsallaka iyakar ƙasar da Najeriya domin shiga ko kuma fita daga Nijar ba, a maimakon haka, sai dai su zagaya zuwa cikin Burkina Faso da kuma Togo kafin komawa gida. Wannan dai alama ce da ke ƙara tabbatar da cewa alaƙa ta yi tsami a tsakanin ƙasashen biyu tun daga lokacin da aka kifar da gwamnati Mohamed Bazoum. Dan gane da wannan mataki, Abdoulkarim Ibrahim Shikal ya zanta da Alhaji Hima Barkire, sakataren tsare-tsare na ƙungiyar masu motocin dakon kaya a Nijar.Ku latsa alamar sauti don sauraron zantawar ta su......

A jiya ne shugaban Najeriya Bola Ahmed Tinubu ya cika shekara guda a karagar mulki, kuma RFI Hausa ta samu tattaunawa da mai bashi shawara akan harkokin yada labarai, Malam Abdulaziz Abdulaziz, a kan batutuwa da dama da suka kunshi tattalin arziki, noma, tsaro, darajar naira da kuma kuncin rayuwa. Ga kadan daga cikin tattaunawar da suka yi da Bashir Ibrahim Idris.

Yau Najeriya ke cika shekaru 25 da dawowar tafiyar wannan mulkin dimokiradiyar, wadda ke bai wa jama'a damar zabin shugabanin da suke so su jagorance su. Wannan dai za a iya cewa karo na farko da mulkin farar hular ya mike ba tare da katsewa ba. Dangane da wannan ci gaba, Bashir Ibrahim Idris ya tattauna da tsohon mataimakin shugaban Majalisar Dattawan kasar a Jamhuriya ta 2, Sanata Mamman Abubakar Danmusa. Ku danna alamar sauti don jin zantawar su ta gudana........

Yayin da ake ci gaba da dakon kawo karshen rikicin sarautar Kano da ke Najeriya a gaban kotu, masu fada aji daga ciki da wajen Kano, ciki harda majalisar sarakunan Arewacin Najeriya da kungiyar dattawan yankin sun bukaci taka tsan tsan da kuma kwantar da hankalin jama'a tare da kai zuciya nesa domin kaucewa tashin hankali. A bangare guda kuma an fara samun masu zanga zanga, yayin da hukumomin tsaro ke gargadin jama'a da su kaucewa karya doka. Dangane da wannan, Bashir Ibrahim Idris ya tattauna da Hajiya Naja'atu Muhammad, kuma ga yadda zantawarsu ta gudana.Ku tsala alamar sauti don sauraron cikakkiyar zantawar tasu.....

Rahoton wanda National Bureau of Statistic ta fitar a makon da ya gabata, ya cewa an fuskacin hauhawan farashin kayayyaki da sama da kashi 33 da rabi cikin 100 a watan Afrilun da ya gabata.

Kotun Duniya ICC ta zargi Firaministan Isra'ila Benjamin Netanyahu da ministan tsaron sa tare da shugabannin Hamas da aikata laifuffukan yaki.Wannan mataki ya haifar da cece kuce sakamakon irin asarar rayuka da ake ci gaba da yi a Gaza da Gabar yamma da kogin Jordan da kuma Rafah. Dangane da tasirin matsayin kotun da kuma abinda zai yi, Bashir Ibrahim Idris ya tattauna da Farfesa Tukur Abdulkadir na Jami'ar Jihar Kaduna.Ku latsa alamar sauti domin jin yadda zantawar su ta gudana...

'Yan Najeriya na ci gaba da tafka mahawara a kan dakatar da auran wasu marayu 100 da ministar kula da harkokin matan kasar ta bukata a Jihar Neja, saboda abinda ta kira sabawa dokar kare hakkokin yara.Yanzu haka kungiyoyi daban daban sun ruga kotu domin kalubalantar ministar.Bashir Ibrahim Idris ya tattauna da lauya kuma tsohon 'dan majalisar tarayya, Hon Samaila Muhammed, wanda yace dokar da ake magana a kai ta sabawa dokokin kasa.Kuna iya latsa alamar sauti domin sauraren hirar.

Yanzu haka damina ta fara sauka a wasu sassan arewacin Najeriya, yayin da manoma ke shirin tinkarar aikin gona gadan gadan domin magance matsalar karancin abincin da kuma tsadar shi da aka fuskanta. Dangane da shirye shiryen noman, Bashir Ibrahim Idris ya tattauna da Farfesa Abba Gambo, mai bai wa gwamnonin Najeriya shawara a kan aikin noma. Ku latsa alamar sauti don sauraron cikakkiyar tattaunawarsu..........

A Najeriya, yanzu haka wasu daga cikin manyan ‘yan adawar ƙasar cikin su harda wadanda suka tsaya takarar zaɓen shekarar 2023 sun fara tintibar juna domin tsara yadda za su tinkari jam’iyya mai mulki a zaɓe mai zuwa. Rahotanni sun ce akwai yiwuwar kafa wata sabuwar jam’iyya domin kalubalantar gwamnati mai ci.Dangane da wannan yunkuri, Bashir Ibrahim Idris ya tattauna da tsohon Gwamnan Jihar Sokoto, Alhaji Attahiru Dalhatu Bafarawa. Kuna iya latsa alamar sauto domin sauraren hirar.

Hukumomin Najeriya sun ce sun kama jiragen ruwa 14 da ake satar danyan man fetur a Neja Delta tsakanin watan Janairun wannan shekara zuwa karshen watan Maris.Rundunar dake aikin samar da tsaro a Jihar Rivers tace wannan bai hada da kananan jirage 90 da kuma mutane 74 da ta kama ba, wadanda ke yiwa tattalin arzikin kasa zagon kasa.Dangane da wannan matsala, Bashir Ibrahim Idris ya tattauna da Farfesa Kelaini Muhammed, masani a kan harkar gas da man fetur, kuma ga yadda zantawar su ta gudana.

Rundunar hadin gwuiwa da ke yaƙi da mayakan Boko Haram a Tafkin Chadi da ake kira MNJTF ta sanar da kashe mayaka 299 a cikin watanni 10 da suka gabata da kuma samun wasu 273 da suka mika kansu cikin lumana. Kwamandan rundunar Manjo Janar Ibrahim Sallau Ali ya bayyana haka ga Babban Editan sashin Hausa Bashir Ibrahim Idris a tattaunawar da suka yi ta wayar tarho bayan ya kwashe watanni 10 yana jagorancin rundunar mai cibiya a kasar Chadi.Ku latsa alamar sauti domin sauraren zantawar su.

Jamhuriyar Benin ta sanar da cewa ta dakatar da fitar da man da Nijar ke yi har sai ta dube iyakar da ta rufe. Danna alamar saurare don jin cikakkiyar tatttaunawar tare da Bashir Ibrahim Idris.

Kungiyar tarayyar Turai da Amurka sun gargadi Isra'ila a shirin da take yi na kai hari Rafah, duk da cewa alamu sun nuna cewa kasar bata da shirin dakatar da kudurin nata. Danna alamar saurare don jin cikakkiyar tattaunawar tare da Bashir Ibrahim Idris

Yau Litinin aka bude rumfunan zabe a kasar Chadi, don zaben shugaban kasa da zai kafa sabuwar gwamnatin Chadi da ta kasance karkashin mulkin soji na tsahon shekaru 3. Kan wannan batu Bashir Ibrahim Idris ya tattauna da Farfesa Dicko Abdurrahmane daga jamhuriyar Nijar, wanda ya yi bayani kan yadda yake kallon zaben.

Yau ce Majalisar Dinkin Duniya ta ware a matsayin ranar ‘yan jaridu ta duniya, inda ake nazari a kan kalubalen da ma’aikatan jarida ke fuskanta da kuma lalubo hanyoyin inganta aikin. Sakamakon wannan biki, Bashir Ibrahim Idris ya tattauna da Farfesa Umar Pate, shugaban Jami’ar Kashere, kuma shehun malami a bangaren horar da ‘yan jarida a Najeriya.Ku latsa alamar sauti domin sauraren cikakkiyar hirarsu.

Kamfanin man NNPCL ya ce yana da wadataccen man da za'a kwashe sama da wata guda ana amfani da shi a cikin gida, yayin da ya zargi wasu gurɓatattun dilallai da jefa jama'ar ƙasar cikin halin ƙunci.  Yanzu haka farashin litar man ya haura naira dubu biyu a wasu sassan Najeriyar, yayin da ake samun dogayen layuka a manyan birane irin su Lagos da Abuja da Kano.Kan haka Bashir Ibrahim Idris ya tattauna da farfesa Kelani Muhammed, kuna iya latsa alamar sauti domin sauraron hirar da suka yi.

Yau ce ranar Ma’aikata ta Duniya, kuma bikin na wannan shekara na zuwa ne a cikin mawuyacin hali ga ma’aikatan Najeriya, sakamakon koma bayan tattalin arzikin kasar da kuma kuncin rayuwar da suka samu Kansu.Bashir Ibrahim Idris ya tattauna da Nuhu Abbayo Toro, Sakatare Janar na kungiyar kwadago ta kasa ta TUC. Ku latsa alamar sauti domin sauraren cikakkiyar hirarsu

Bayan yin bazata wajen farfaɗowa daga faɗuwar da yayi a watannin baya, kuɗin Najeriya ya fuskanci koma baya musamman a makon jiya, inda a kasuwar canjin bayan fage aka sayar da dala guda kan Naira 1,400. Sai dai a wannan makon Nairar ta sake samun tagomashi inda aka sayar dalar Amurka guda kan kasa da naira dubu 1,300.Ko me ya janyo rashin tsayuwar karfin Nairar, duk da irin matakan da bankin Najeriya ya ɗauka domin ba ta kariya? Tambayar kenan da muka yi Dr Ƙasim Kurfi, masanin tattalin arziƙi a Najeriyar.Ku latsa alamar sauti domin sauraren cikakkiyar hirar da muka yi da shi